ብሰንኪ ጽገናን ምትዕርራያት ሻምብቖ ማያት ፈሳሲ ብዙሓት ጠንቂ ጥዕና ዝኾኑ ባእታታት ንምክልኻል በዓለ መዚ ጥዕና ምምሕዳራት ቦክስሆልመንን (Boxholm) ትራኖስን (Tranås) ኩሉ ሰብ ቅድሚ ማይ ምስታዩ ከፍልሖ ከምዘለዎ የተሓሳስባ።
ምምሕዳር ቦክስሆልመን (Boxholm) ኣብ ዓምዲ ገጻቱ ዘስፈሮ ሓበሬታ ዘየተጻረየ ማይ ብብዝሒ ንጥዕና ጎዳእቲ ዝኾኑ ባእታታት ከም ኣይሮንን ማንጋነዝን ስለ ዘለዎ ስጋብ ኩሉ ጽገናታት መስመር ማይ ዝውዳእ ኩሉ ነብሪ ማይ ኣፍሊሑ ክስተዮ ከምዘለዎ ኣፍሊጦም ።
እዚ ጸገም ዘጋጠመ ብሰንኪ ትማሊ ሰሉስ ኣብ መስመር ማይ ምምሕዳር ትራኖሰን (Tranås) ዘጋጠመ ሙኻኑ ነዚ ሽግር ንምፍታሕ በዓል መዚ ጥዕና ኣበርቲዑ ይሰርሕ ምህላዉ እዚ ምምሕዳር ወሲኹ ይገልጽ።
