ሎሚ ምሸት ፈረንሳዊት ክለብ ፒኤስጂ ነታ ብመንእሰይ ኣሰልጣኒ ንግልስ ማን እንዳተኣልየት ኣብ 10 ዓመታ ተኣምርን ታሪኽን እንዳ ሰርሐት ኣብ ቦኽሪ ስታፊኣ ናብ ፍርቂ ፍጻሜ ቻምፒዮን ሊግ ክትበጽሕ ዝኽኣለት አርቢ ሌፕዚግ ማርኪንሆስ(13)፣ዲማርያ(42) ከምእውን ካብ በርናት(56)ብዝረኸበተን 3 ሸቶታት ብምስዓር ናብ ፍጻሜ ሰጊራ። ክለብ አርቢ ሌፕዚግ ብትሑት ባጀት ኣብዚ ደርጃ ምምብጻሓ ካብ ቡዙሓት ናእዳ ክትረክብ ከላ፣ ክለብ ፒኤስጂ ብወገና ኣብ ታሪኻ ንመጀመርያ ግዜ ናብዚ ደርጃ ብምብጻሕ ድሮ ሓዲሽ ታሪኽ ንምስራሕ ኣሃዱ ትብል።
እዛ ብዘይተኣደነ ወጻኢታት ዝተሃንጸት ክለብ ፒኤስጂ ኪኖ ፈረንሳ ዝዓለመ ጥሙሕ ዓብላልነት ሎሚ ዓመት ብደገፍ ኮዋኽብታ ነይማርን ኤምባበ ተሰንያ ተተግብሮ ትመስል። በዚ መሰረት ኣሰትጣኒ ቶማስ ቱሸል ትእለ ፒኤስጂ ሰንበት ኣብ ግጥም ፍጻሜ ካብ ባየርሙኒኽ ወይ ሊዮን ዝሓለፈት ትጽበ።
