ቀዳማይ እብረ ክታበት ኮቪድ-19 ዝኾነ ፋይዘርን ሞደርናን ዝተኸትቡ ውልቀ ሰባት፡ እታ ካልኣይቲ እብረ ክታበት ድሕሪ ሸውዓተ ሳምንታት ክወሃብ፡ በዓል መዚ ኣገልግሎት ህዝባዊ ጥዕና ሽወደን፡ መኺሩ ክብል ማዕከን ዜና ተተ ኣቃሊሑ።
እዚ ዝኾነሉ ዘሎ ምኽንያት፡ ብሰንኪ ናህሪ ምስፍሕፋሕ ኮሮና ከም ዝኾነ፡ እቲ በዓል መዚ ገሊጹ።
ዝበዝሑ ዜጋታት ሽወደን፡ ሓደ እብረ ክታበት ክወስዱ እንተድኣ ክኢሎም፡ ኣንጻር ኮቪድ-19 ዘለዎም ተጻዋርነት ክዓቢ ስለዝኽእል፡ በኡ መንጽር፡ ምስፍሕፋሕ ለበዳ ኮሮና ክውሕድ እዩ ክብል እቲ በዓል መዚ ኣብ መርበብ ሓበሬትኡ ኣቃሊሑ።
እዚ ሓድሽ ምኽሪ፡ ኣብ መርበብ ሓበሬታ እቲ በዓል መዚ፡ ቅድሚ ሒደት መዓልታት፡ ድሕሪ ምውጽኡ፡ ናይ ጋዜጣታት ዮንሾፒን ፖስተን፡ ኤክስፕረሰንን ኣብ ዝተፈላለዩ ምምሕዳራት ዝርከቡ ኣሃዱ ጥዕናን ኣቓልቦ ስሒቡ።
