ስካንድናቭያዊ መንገዲ ኣየር SAS ን1583 ኣብ ዴኒማርክ ዝርከቡ ኣባላቱ ከፋኑ ከም ዝመደበ ሓቢሩ። እዚ ድማ ካብቲ ጠቕላላ ከፋንዎም መዲቡ ዝነበረ ቁጽሪ ዝተሓተ ምዃኑ TT ሓቢሩ።
ዝርዝር ናይቶም ከፋንዎም መዲቡ ዘሎ ኣባላቱ፡ 176 ኣብረርቲ ነፋሪት (ፓይሎት)፡ 586 ኣብ ጽዕነት ባልጃታት ዝነጥፉን 684 ድማ ኣአንገድቲ ምዃኖም ገሊጹ። ብዝሒ ናይቶም ኣብ ኩባንያ SAS ዝሰርሑ የአንገድቲ 1200 ይበጽሕ።
ኩባንያ SAS፡ ብሰንኪ ኮሮና ቫይረስ ዘስዓቦ ቅልውላው፡ ንቁጽሪ ኣባላቱ ብ 40% (5000 ኣባላት) ከጉድል መደብ ከምዘለዎ ኣብ መወዳእታ ወርሒ ሚያዝያ ገሊጹ ከምዝነበረ ይዝከር።
ኩባንያ SAS፡ ከፋንዎም መዲቡ ዘሎ ኣባላት፡ 1900 ኣብ ሽወደን፡ 1700 ኣብ ዴኒማርክ ከምኡ ድማ 1300 ኣብ ኖርወይ ዝርከቡ ምዃኖም ሓቢሩ።
