ኩባንያታት ፋይዘርን ብዮንቴክን፡ ንፍርያቱ ዝኾነ ክታበት ኮቪድ-19፡ ኣብ ክሊ ዕድመ 12 ክሳብ 15 ዓመት ዘለዉ ቆልዑ ውን ንኽክተብዎ፡ ብኤውሮፓዊ ሕብረት፡ ተቐባልነት ንኽረክብ ጠለቡ ከምዘቕረበ፡ ማዕከን ዜና AFP ሓቢሩ ክብል ማዕከን ዜና ተተ ኣቃሊሑ።
ኤውሮፓዊ በዓል መዚ መድሃኒት፡ ነቶም ኣብዚ ክሊ ዕድመ ዘለዉ ቆልዑ፡ ክታበት ፋይዘር ንኽውግኡ እንተድኣ ኣፍቂዱ፡ ኩባንያ ፋይዘር ብወገኑ፡ ካብ ወርሒ ሰነ ጀሚሩ፡ ክታበት ከከፋፍል ዓቕሚ ከምዘለዎ ዋና ኣካያዲ ኩባንያ፡ ኡጉር ሳህሊን፡ ኣፍሊጡ።
ኣቐድም ኣቢሉ፡ ኩባንያ ፋይዘር፡ ነዞም ኣብ ክሊ ዕድመ 12 ክሳብ 15 ዓመት ዘለዉ ቆልዑ ብዝምልከት፡ ብሕቡራት መንግስታት ኣሜሪካ፡ ክታበቱ ተቐባልነት ንኽረክብ ጠለቡ ኣቕሪቡ ምንባሩ ይዝከር።
