ኦፌኮ፡ ናብ ትግ ዘይተገደበ ሓገዝ ሰብኣዊ ረድኤት ክበጽሕን ሓቲቱ

ፌደራሊስት ኮንግረስ ኦሮሞ፡ ኣብ ትግራይ ተወሊዑ ናብ ሰሜን ኢትዮጵያ ዝልሓመ ኲናት ደው ንምባል ዝተበጽሐ ስምምዕ ምቁራጽ ተጻብኦታት፡ ብቕልጡፍ ናብ ተግባር ክሰጋገርን ዘይተገደበ ሓገዝ ሰብኣዊ ረድኤት ክበጽሕ ሓቲቱ።

ንኽልተ መዓልታት ጉባኤ ዘካየደ ውድብ ፖለቲካ ፌደራሊስት ኮንግረስ ኦሮሞ (ኦፌኮ) ኣብ ሓፈሻዊ ኩነታት ኢትዮጵያ ዘድሃበ መግለጺ ቅዋም ኣውጺኡ’ሎ።

እቲ ፓርቲ ኣብታ ሃገር ንዘለዉ ዘሻቕሉ ጉዳያት፣ ጉዕዞ ቃልሲ ህዝቢ ኦሮሞን ኣብ ዝሓለፉ ዓመታት ኣብ ኢትዮጵያ ንዝተገበረ ፖለቲካዊ ለውጥን ብዝምልከት ከም ዝዘተየ ተፈሊጡ።

ኣብ ኢትዮጵያ ተራእዩ ዝነበረ “መስርሕ ለውጢን ናብ ዲሞክራሲያዊ ስርዓት ናይ ምስግጋር ዕድልን ተኾሊፉ’ሎ” ዝበለ ኦፌኮ፡ ናይዚ ውጽኢት ከኣ ናብ ተስፋ ምቑራጽን ኲናት ሓድሕድ ስለ ዝተበጽሐ ኣብ ልዕሊ እታ ሃገር “ሓደጋ ምፍራስ” ከም ዘንጸላለወ ኣመልኪቱ።

ኣብታ ሃገር ዝተፈጠሩ ጸገማት ንምፍታሕ ከኣ “ናብ መስመር ህንጸት ዴሞክራሲያዊ ሕብረ-ብሄራዊ ስርዓት ምምላስ እንኮ ኣማራጺ” ምዃኑ ኣብ መግለጺኡ ጠቒሱ።

BBC TIGRINJA