ብምኽንያት ለበዳ ኮሮና ኣብ ኣውሮጳዊ ሕብረት ዝተሰረዙ ጒዕዞ ነፈርቲ ምኽንያት ብምግባር ዓማዊል ገንዘቦም ክምለሰሎም እዩ እኳ እንተተባህለ ገለ መንገዲ ኣየራት ግና ኣንጻር እዚ ሕጊ ይኸዳ ምህላወን ተፈሊጡ። ኤጀንሲ ዓማዊል ሽወደን ብምኽንያት እዚ ምስራዛት ብዝሕ ዝበለ መረረታት ክቕበል ምጽንሑን ገለ ኣገልግሎታት ምስክር ወረቐት ጥራይ ክወስዱ ይገብራ ምህላወንን ካልኦት ድማ ነቲ ወኪል ጒዕዞ ገንዘቦም ክመልሰሎም ይሓቱ ምህላዎም ድማ ተመልኪቱ። ጠበቓ ኤጀንሲ ዓማዊል ዝኾነት ማጃ ሊንድስትራንድ ምስ ሬድዮ ሽወደን ኣብ ዝነበራ ጻንሒት ተጓዓዝቲ ካብ ዝተሰረዙ በረራታት ካሕሳ ክሓቱ መሰሎም እዩ ኢላ። እንድሕሪ ተሰማሚዖም ጥራይ እዮም ምስክር ወረቐት ጥራይ ክወስዱ ዝኽእሉ ክትብል ድማ ኣብሪሃ።
