Workers line up to get tested for COVID-19 at the Foxconn factory in Wuhan in central China's Hubei province (Chinatopix Via AP) XHG807
ለበዳ ኮሮና ዓሚ ካብ ዝኽሰት ንደሓር ካብ ዝሓለፈ ሰሉስ ኣትሒዙ ኣብ ዉሃን 11 ሚልዮን ሰባት ተመርሚሮም ምህላዎም ተገሊጹ ክብል ማዕከን ዜና ተተ ኣቃሊሑ።
ዕላማ ናይ’ዚ መርመራ፡ ኣብታ ከተማ ክኽሰት ዝኽእል ለበዳ ንምዕጋት ምዃኑ ተፈሊጡ። ትሕቲ 6 ዝዕድሜኦም ቆልዑ ገዲፍካ ዳርጋ መላእ ተቐማጦ እታ ከተማ ተመርሚሮም ኣለዉ። በዚ ድማ ክሳብ ቀዳም ኣብ ዝነበረ ግዜ 37 ዝተለኽፉ ሰባት 41 ከኣ ዝኾነ ምልክታት ዘየርኣዩን ሰባት ከም እተረኽቡ ወኪል ዜና ኒው ቻይና ሓቢሩ። ኣብዚ መርመራ 28 ሽሕ ሰራሕተኛታት ክንክን ጥዕና ኣብ 2800 ኑቕጣታት ተዋፍሮም ኣለዉ።
ልዑል ናይ ለበዳ ዓቕሚ ዘለዎ ዝንገረሉ ጅር ደልታ፡ ካብ ደርዘን ኣብ ዝልዕላ ከተማታት ቻይና፡ ኣስፋሕፊሑ ምህላዉን በዚ ድማ ሚልዮናት ተቐማጦ ቤይጂንን ካልኦት ዓበይቲ ከተማታት ቻይናን ኣብ ገዛ ክዕጸዉ ተገዲዶም ምህላዎም ተገሊጹ።
