ኣብ ወጻኢ ሃገራት ዝተወልዳ ደቂ ኣንስትዮ፡ መርመራ መንሽሮ ጡብ ናይ ዘይምግባር ተኽእሎአን ዝለዓለ እዩ።

ካብ ሽወደን ወጻኢ ዝተወልዳ ደቂ ኣንስትዮ፡ ካብተን ኣብ ሽወደን ዝተወልዳ ብዝለዓለ፥ መርመራ መንሽሮ ጡብ ናይ ምኻድ
ተኽእሎአን ዝተሓተ ምዃኑ፥ “ማሕበር መንሽሮ ጡብ” ዘውጽኦ ሓድሽ ጸብጻብ ኣመልኪቱ። ካብ ኖርዲክስ ወጻኢ ዝመጻ ደቂ
ኣንስትዮ መብዛሕትኡ ግዜ ብሰንኪ ናይ ቋንቋ ጸገም፡ ወይ ድማ ንምንታይ ናብቲ መርመራ ምኻድ ኣገዳሲ ምዃኑ ዝገልጽ ሓበሬታ
ዘረኽባ ብምዃነን፡ ህይወት ከድሕን ካብ ዝኽእል መርመራ ይታረፋ ኣለዋ ክብል እቲ ጸብጻብ ኣተሓሳሲቡ’ሎ። ኣብ ሽወደን ካብ
40 ክሳብ 74 ዓመት ዝዕድሚአን ደቂ ኣንስትዮ ብቐጻሊ ንመርመራ መንሽሮ ጡብ ናብ ማሞግራም ከም ዝጽውዓ እቲ ጸብጻብ
ወሲኹ ጠቒሱ።
ክኢላ ራድዮሎጂ ሃነን ኣልባዛዝ ንማዕከን ዜና ቲቲ ኣብ ዝሃቦ ሓበሬታ፡ ሓደ ሰብ ምስ ምሉእ ጥዕናይ እየ ዘለኹ ኢሉ እናተዛነየ
ንምርመራ ክኸይድ ከምዘለዎ ምግላጽ ብባህላዊ መዳይ አዳሂ ክኸውን ከምዝኽእል ይሕብር።