Arbete på området som är röjt för Northvolt planerade fabrik, fem minuters bilväg öster om Skellefteå centrum. Foto Henrik Montgomery / TT kod 10060
ዋንነት ምምሕዳር ከተማ ዅሊፍቶ ዝነበረ ዝዓበየ ክፋል ናይ ኢንዱስትርያዊ ኣከባቢ: ናብ ሓደ NP3 ዝተባህለ ኩባንያ ከምዝተሸጠ: ምምሕዳር ከተማ ገሊጹ ክብል ማዕከን ዜና ተተ ኣቃሊሑ።
እቲ ክሳብ 135 ሽሕ ትርብዒት ሜትሮ ዝስፍሓቱ ኢንዱስትርያዊ ኣከባቢ: ብ 1.3 ቢልዮን ክሮነር ከምዝተሸጠን እዚ ድማ ኣብ ዕዳጋታት ኣባይቲ ምምሕዳር ከተማ ዅሊፍቶ: እቲ ዝኸበረ ስምምዕ ምዃኑ ይንገር።
ኣፍራይ ባተሪታት ዝኾነ ኩባንያ ኖርዝቮልት: ሓድሽ ፋብሪካ: ኣብ ምምሕዳር ከተማ ዅሊፍቶ ክሃንጽ ምዃኑ ካብ ዝሕብር ኣትሒዙ: ዅሊፍቶ: ኣቓልቦ ብዙሓት ስሒባ ምህላዋ ይፍለጥ።
