ኣብ ክልተ ኣዋርሕ 30 ምፍንጃራት ምግጣሙ ተገሊጹ።

ብሓሙስ ምሸት ኣብ ማእከላይ ማልም ገለ ምፍንጃር ምግጣሙ ይግለጽ ኣሎ። በዚ ነውጺ መሳዂቲ ናይቲ ኣብ ከባቢ ዝርከብ ገዛውቲ ምስባሩን ሓንቲ መኪና ምዕናዋን ተፈሊጡ። ፖሊስ ነቲ ኲነታት የጻርዩ ኣለዉ ተባሂሉ። ኣብ ሽወደን ነውጺ ምንታጒ እናተዘውተረ ምምጽኡን ኣብዚ ዓመት ጥራይ 99 ዝኸውን ተመሳሳሊ ፍጻመታት ምግጣሙን ፖሊስ ይገልጹ።

ኣብ ዝሓለፈ ወርሒ ክሳብ 30 ዝበጽሕ ምንታጒ ምግጣሙ ኸኣ ተመልኪቱ። ብዙሓት ንጹሃን ዜጋታት በቲ ኲነታት ዝጐድእ ኣዝዩ ሓደገኛ ኲነት ብምዃኑ ደው ክብል ኣለዎ ክትብል ይልቫ ኤርሊን ትገሊጽ። ዛጊት ዝሞተ የለን ዝበለት ዪልቫ ተመሳሳሊ ክስተታት ኣብ መጻኢ ከጋጥሙ ከም ዝኽእሉ ኣጠንቂቓ’ላ።