ኣብ ከተማ ኤስኪልስቱና ሓደ ሰባኣይ ተቐቲሉ

ሎሚ ወጋሕታ ኣብ ኺፍቲንገ (Skiftinge) ዝተባህለ ኣከባቢ ሓደ ወዲ 35 ዓመት ሰብኣይ ብዘይተፈልጠ ምኽንያት ተቐቲሉ ከምዝተረኽበ ፖሊስ ከተማ ኤስኪልስቱና ሓቢሩ።

ከባቢ ሰዓት 2፡40 ናይ ንግሆ፡ ሓደ ኣብቲ ከባቢ ዝነብር ሰብ፡ ቶኽሲ ከም ዝሰመዐ ናይ ተሌፎን ሓበሬታ ምስ ሃበና ብቕጽበት ናብቲ ዝተባህለ ከባቢ ኣሃዱ ፖሊስ ሰዲድና። ኣባላት ፖሊስ ናብቲ ክፍሊ ምስ ኣተዉ ሓደ ብጥይት ተሃሪሙ ዝሞተ ሰብ ረኺቦም ክብል ሓላፊ ፖሊስ’ቲ ከባቢ፡ ክሪስቴር ኾግፊስት፡ ን TT ሓቢሩ።

ፖሊስ ነታ ክፍሊ ሓጺሩ፡ ነቶም ኣብቲ ከባቢ ዝነብሩ ሰባት ክሓትት ከምዝጀመረ ተፈሊጡ ኣሎ።

ፖሊስ እቲ ከባቢ ብጀካ ነቲ ግዳይ ዝኾነ ሰብኣይ ይፈልጦ ከምዝነበረ ምሕባሩ ካልእ ተወሳኺ ሓበሬታ ኣይሃበን።