ዝርገሐ ለበዳ ኮሮና ቫይረስ ዝሕብር (R) ትሕቲ 1.0 ምኻኑ ሓድሽ ጸብጻብ ኣሃዱ ህዝባዊ ጥዕና ሓቢሩ።
እቲ መጠን ዝርገሐ ለበዳ ዝሕብር ካብ ዕለት 9 ክሳብ 19 ሰነ ኣብ ዝነበረ ግዜ እቲ ዓቐን ካብ 1.06 ናብ 0.91 ምውራዱ ሓቢሩ።
እዚ (R) ዝተባህለ ሓባሪ ንመጠን ዝርገሐ ለበዳ ቫይረስ ዝዕቅን እዩ። ትርጉም ቁጽሪ ልዕሊ 1.0 እንተድኣ ኮይኑ፡ ሓደ ሕሙም ሰብ ንልዕሊ ሓደ ሰብ ኮሮና ቫይረስ ናይ ምስግጋር ክእለት ኣለዎ ኮይኑ እቲ ለበዳ ድማ ቀጻሊ ኣሎ ማለት እዩ። እቲ ቁጽሪ ትሕቲ 1.0 እንተድኣ ኮይኑ ድማ እቲ ዝርገሐ ናይ ለበዳ ይሕጸር ኣሎ ማለት ምኻኑ SVT ሓቢሩ።
ናይ ሽወደን ቁጽሪ፡ ንብዙሓት ሳምንታት ትሕቲ 1.0 ምህላዉ ይፍለጥ። ዝለዓለ ቁጽሪ ዝተመዝገበሉ ኣብ ወርሒ መጋቢት ምንባሩ ተሓቢሩ።
