ኣብ ሽስታ ዝርከብ እንዳ ወርቂ ብቐትሪ ይስረቅ።

ትማሊ ንግሆ ኣብ ሽስታ ጋለሪ፡ ስቶክሆልም፡ ዝርከብ ሓደ እንዳ ወርቂ ብክልተ ገጾም ዝተሸፈኑ ሰባት ከምዝተሰርቀን ብድሕሪ እቲ ፍጻመ እቶም ሰረቕቲ ብሞቶ ገይሮም ናብ ኤርቪንጌ ገጾም ከምዝሃደሙ ኣፍቶንብለደት ኣቃሊሑ። ፖሊስ ስቶክሆልም ብሄሊኮፕተር ጌሮም ነቶም ሰረቅቲ ይከታተልዎም ከምዝነበሩን ክሳብ ሕጂ ድማ ደሃይ ናይቶም ሰረቕቲ ከምዘየለ ተፈሊጡ ኣሎ። እቶም ሰረቕቲ ጻዕዳ ሕብሪ ዘለዎ መሸፈን ገጽ (ማስኬራ) ገይሮም ብረት ብምውጥዋጥ ነቲ ናይ ስርቂ ፍጻመ ከምዘካየድዎ ኣፍቶንብላደት ብዝረኸቦ ሓበሬታታት ኣረጋጊጹ። ካብቲ እንዳ ወርቂ ብዝሑ ይኹን ዓይነቱ ዘይተገልጸ ንብረት ከምተሰርቀ ፖሊስ ሓቢሩ።