ኣብ ሓደ ፈስቲቫል፡ መልከፍቲ ኮሮና ኣጋጢሙ

ቅድሚ ክልተ ሳምንታት ኣቢሉ፡ ኣስታት 500 ሰባት ዝተሳተፍዎ ሕርሻዊ ፈስቲቫል፡ ኣብ ቮርምላንድ፡ ተኻይዱ ምንባሩ ይዝከር። ካብቶም ኣብቲ ፈስቲቫል ዝተሳተፉ፡ 82 ሰባት ብኮሮና ከምዝተለኽፉ፡ ሓኪም ተማሓላለፍቲ ሕማማት እቲ ምምሕዳር፡ ኣና ስኮግስቶም፡ ን P4 Värmland ገሊጻ ክብል ማዕከን ዜና ተተ ሓቢሩ።

እዞም ዝተለኽፉ ሰባት ምስ ተፈልጡ፡ ምምሕዳር ቮርምላንድ፡ ብምልኦም ኣብቲ ፈስቲቫል ዝነበሩ ሰባት፡ ብኮሮና ተለኺፎም ከይህልዉ፡ ስግኣቱ ገሊጹ ኣሎ።

እቲ ለበዳ ምስ ተፈልጠ፡ ንጥፈታት ናይቲ ፈስቲቫል ከምዝደስከለን፡ እቲ ፈስቲቫል ድማ ክሳብ መወዳእታ ወቕቲ ክረምቲ፡ ከምዘቋረጸ ተፈሊጡ ኣሎ።