48% ኖርዌጃውያን ኣብ መንገዲ ኣየር ስካንዲናቭያ ዝካየድ ዘሎ ኣድማ ከም ዝድግፉ፡ TV 2 ዘካየደቶ ዳህሳስ ኣመልኪቱ። 32% ኖርዌጃውያን ነዚ ኣድማ ኣይድግፍዎን እዮም–ብመሰረት እቲ ዳህሳስ። ነዚ ዳህሳስ ዘሳለጠ ካል ካንታር ኮይኑ 15% ኖርዌጃውያን ኣብዚ ጒዳይ መርገጺ ክሕዙ ከም ዘሸግሮም 5% ከኣ ርግጸኛታት ከም ዘይኮኑ ወሲኹ ኣመልኪቱ’ሎ።
“ድሮ ገለ ናይ ደገፍ መግለጺታት ተቐቢልና ኣሎና፡ ህዝቢ ኖርወይ ዝበዝሐ ክበሃል ይከኣል ኣብዚ ጒዳይ ምርዳእ ከም ዘለዎ እዞም ኣሃዛት የመልክቱ እዮም ክብል ኣብ መንገዲ ኣየር ስካንዲናቭያ ሓላፊ ማሕበር ኣብረርቲ ራጀር ክሎክሰት ነታ መደበር ተለቪዥን ኣብ ዝሃቦ ሓበሬታ ኣመልኪቱ
እዚ ዳህሳስ ኣብ ወርሓ ሓምለ ዝተኻየደ ኮይኑ ኣስታት 1,095 ሰባት ከም እተሳተፍዎ ተገሊጹ።
