ኣሃዱ ሓለዋ ጥዕና ሽወደን ንዝርጋሐ ለበዳ ኮሮና ኣብ መላእ ሽወደን ንምግምጋም ንኻልኣይ ግዜ መጽናዕቲ ክጅምር ምዃኑ TT ሓቢሩ። እዚ ዝካየድ መጽናዕቲ ኣብ ልዕሊ ብኣጋጣሚ (random) ዝተመርጹ 4000 ሰባት ዝካየድ እዩ። እቲ ካብዞም ሰባት ንመጽናዕቲ ተባሂሉ ዝውሰድ ቅምሶ (sample) ካብ ኣፍንጫን ጎሮሮን ዝውሰድ ክኸውን እዩ። እዚ መጽናዕቲ ንመጠን ዝርገሐ ለበዳ ቫይረስ ንምግምጋም ተባሂሉ ዝካየድ ድኣ እምበር፡ እቲ ሰብ ቅድሚ ሕጂ ብቫይረስ ከም ዝተለኽፈ ዝሕብር ኣይኮነን። ውጽኢት ናይዚ መጽናዕቲ ኣብ መጀመርያ ወርሒ ሰነ ክወጽእ ትጽቢት ይግበር። ኣሃዱ ሃለዋ ጥዕና ሽወደን ቅድሚ ሕጂ ከምዚ ዓይነት መጽናዕቲ ኣካይዱ ከምዝነበረ ዝፍለጥ ኮይኑ ውጽኢት ናይቲ ዝገበሮ መጽናዕቲ ድማ ኣብ ዝቕጽል ሰሙን ክወጽእ እዩ።
