ኢትዮጵያ፥ ወተሃደራት ሱዳን ኣይቀተልኩን ትብል

ኣብ ዶብ ሱዳንን ኢትዮጵያን፡ ኣባላት ሰራዊት ሱዳን፡ ብሰራዊት ኢትዮጵያ ተቐቲሎም ንዝብል ዜና ኣመልኪቱ፡ ዋና ኣዛዚ ሰራዊት ኢትዮጵያ፡ እዚ ካብ ሓቂ ዝረሓቐ እዩ ክብል ምግላጹ ኣብ ኣመሪካ ንዝመደብሩ ESAT ዝተሰምየ ማዕከን ዜና ብምጥቃስ ቢቢሲ ሓቢራ።

ንሱዳን እነጥቅዓሉ ምኽንያት የብልናን፡ ብዘይብእኡ እውን ካብ ሰሜን ንዝመጹና ዕጡቃት ሰራዊት ትግራይ ኣብ ምምካት ኢና ንርከብ ዘለና ክብል ኣዛዚ ሰራዊት ኢትዮጵያ፡ ጀነራል ብርሃኑ ጁላ፡ ገሊጹ’ሎ። ንሱ፡ ኣብ መንጎ ክልቲኣተን ሃገራት ዘሎ ዘይምርድዳእ ብዘተ ክፍታሕ ተስፋ ከም ዘለዎ እውን ኣመልኪቱ’ሎ።

ኢትዮጵያን ሱዳንን ብዶብን ብጽሒት ማያት ኒልን ዝተላዕለ፡ ዝጸንሐ ምስሕሓብ ከም ዘለወን ዝፍለጥ እዩ።