ኢትዮጵያ፥ ኣንጻር ሰራዊት ትግራይ: ቃልሳ ከም እተሐይል ትገልጽ 

ኢትዮጵያ፡ ነቲ ተዂሲ ደው ክብል ዝጽውዕ ዓለምለኸ ጻውዒት ንጎድኒ ብምግዳፍ፡ ኣንጻር ሰራዊት ትግራይ እተካይዶ ቃልሲ ክትቅጽሎ ምዃና ገሊጻ።

ናይ ህላወ ቃልሲ ኢና ነካይድ ዘለና ዝበለ እቲ መግለጺ፡ ዝኾነ ናይ ወጻኢ ምትእትታው ኢድ ደው ኣየብለናን እዩ ኢሉ።

ሃገራት ኣፍሪቃ፥ ኣውሮጳዊ ሕብረትን ኣመሪካን ተኹሲ ክቋረጽን ሰላማዊ ዘተ ክካይድን ጻውዒት ኣቕሪቦም ኣለዉ።

ነዚ ዕላማ ተባሂሉ ፍሉይ ልኡኽ ኣመሪካ፡ ጀፍሪ ፈልትማን፡ ናብ ኣዲስ ኣበባ ምብጻሕ ይፍጽም ምህላዉ ጸብጻባት የመልክቱ።

ኣብ ቀረባ መዓልታት ሰራዊት ትግራይ ኣገደስቲን ስትራቴጂያዊን ከተማታት ብምቊጽጻር ናብ ርእሰ ከተማ እታ ሃገር ኣዲስ ኣበባ ብቐረባ ርሕቀት ይግስግስ ምህላዉ ይግለጽ።