ኖርወጅያዊት መገዲ ኣየር ነቲ ካብ ደንማርክን ሽወደንን ዚብገስ ነዊሕ በረራ ደው ኣቢላቶ።

ኖርወጅያዊት መገዲ ኣየር ዝሓለፈ ሮቡዕ ንግሆ ብምኽንያት ትሑት ኣታዊታት ነተን ካብ ደንማርክን ሽወደንን ዚለዓላ ነዊሕ ዚበራ ነፈርታ ደው ከም ዘበለተን ሓቢራ። ካብ መጋቢት 29-2020 ጀሚሩ ካብ ስቶክሆልምን ኮፐንሃገንን ተላዒለን ናብ ኣመሪካን ታይላንድን ዚበራ ነፈርቲ ደው ኪብላ እየን። ካብ ኦስሎ ናብ ኣመሪካ ዘሎ በረራ ግን ኪቕጽል እዩ።

እቲ ሓጺር ወይ ማእከላይ በረራ ኣብቲ መኽሰብ ብዙሕ ለውጢ ኣይገብርን። እቲ መገዲ ኣየር ኣብ ገለ እዋናት ናይ መኽሰብ ጸገማት ተጓኒፉዎ እዩ። ኣብ ዚመጽእ ዓመት ግን ሓድሽ ኣካያዲ-ስራሕ ኪገብር እዩ። ይኹንምበር፡ እቲ በረራ ካብ ዓበይቲ ከተማታት ኤውሮጳ ኪብገስ ይኽእል እዩ፡ ከም ካብ ባርሰሎና፡ ሎንዶንን ፓሪስን ናብ ኣመሪካ፡ ምኽንያቱ ድማ ብዙሕ ጠለብ ስለ ዘለዎ እዩ።