ኖርወይ፡ ኣእምሮኣዊ ምዝንባል ንምዕጋስ ከኒናታት ዝወስዱ ሰባት ቊጽሮም ይዛይድ።

ኣብ ኖርወይ፡ ኣእምሮኣዊ ምዝንባል ንምዕጋስ ከኒናታት ዝወስዱ ሰባት፡ ቊጽሮም እናወሰኸ ይመጽእ ምህላዉ ተገሊጹ። ኣብ ዝሓለፈ ዓመት 124,000 ኖርዌጃውያን ኣንቲሳይኮቲክ ምውሳዶም፡ እዚ ድማ ቅድሚ ሓሙሽተ ዓመታት ምስ ዝጸንሐ ኣሃዝ እንክወዳደር ናይ 20,000 ወሰኽ ጌሩ ምህላዉ፡ ኖርወይ ቱደይ ገሊጻ’ላ።

ኣስታት 400,000 ኖርዌጃውያን ንምዝንባል ኣእምሮ ዝኸውን መድሃኒት ከም ዝወስዱ ዝገለጸት እታ ማዕከን ዜና፡ እቶም ኣዝዮም ዝበዝሑ (315,000) ከኒና ጸረ-ጭንቀት፡ ካልኦት ኣዝዮም ብርክት ዝበሉ ኸኣ ኣንታይሳይኮቲክ ከም ዝወስዱ ን ባንክ ስታቲስቲክስ ጥዕና ኖርወይ ብምጥቃስ P4 ጸብጺባ።