ኖርወይ፡ ኣብ ዝሓለፈ ዓመት መጥቃዕቲ ሳይበር ምውሳኹ አፈሊጡ።

ኣብ ዝሓለፈ ዓመት ዩኒቨርሲታትን ኮሌጃትን ኖርወይ ካብ ዝኾነ እዋን ንላዕሊ ን መጥቃዕቲ ሳይበር ከም እተቓልዓ መርበብ ሓበሬታ ኖርወይ ቱደይ ሓቢራ።

እዚ ይዂንምበር፡ ቊጽሪ ዓበይቲ ድንገታት ምስ 2020 እንክወዳደር ምጒዳል ኣርእዩ’ሎ–ክትብል ጋዜጣ ክሮኖ ን ዓመታዊ ጸብጻብ ዳይረክቶሬት ላዕለዋይ ትምህርቲን ብቕዓትን ብምጥቃስ ኣመልኪታ።

ሓደጋ ድሕነት ሓበሬታን ግላዊ ህይወትን ምስቲ ናይ 2021 ኣብ ተመሳሳሊ ጽፍሒ ከም ዝርከብን ኣብ ድሕነት ሓበሬታ ዘሎ ሓለዋ ዝያዳ ተጠናኺሩ ምህላዉን እቲ ሓበሬታ ወሲኹ ኣመልኪቱ። ኣብ ትሮንድሃይም NTNU ዓመታዊ ኣስታት 1,500 መጥቃዕቲታት ሳይበር ከም ዘጋጥሞም ኣካያዲ ዲጂታላዊ ድሕነት ስቲያን ሁስሞወን ነታ ጋዜጣ ኣብ ዝሃቦ ቃል ወሲኹ ኣመልኪቱ።.