ኖርወይ፡ ኣብ ኣስኪም ሓንቲ ሰበይቲ ተቐቲላ።

ትማል ሰሉስ ኣብ ክሊ ዕድመ 40ታት እንትርከብ ሰበይቲ ኣብ ኣስኪም ብዝወረዳ ብርቱዕ ኣካላዊ መጥቃዕቲ ህይወታ ምሕላፊ ተፈሊጡ። በዚ መጥቃዕቲ እተርጠረ ሓደ ሰብ ኣብ ትሕቲ ቀይዲ ኣትዩ’ሎ።

“ብርክት ዝበሉ ናይ ዓይኒ መሰኻኽር ንመርመራ ናብ መደበር ፖሊስ ከም እተወስዱ ዝገለጸ እቲ ሓበሬታ ፖሊስ ብርክት ዝበለ ተኽእሎታት እቲ ገበን እኳ እንተውጽኡ ዛጊት ደምዳሚ ስእሊ ክሕዙ ከም ዘይከኣሉ ኣካያዲ ስርሒታ ፖሊስ ቶም ሳንበርግ ን ጋዜጣ VG ሓቢሩ።

ወረዳ ምብራቓዊ ፖሊስ ብዛዕባዚ ፍጻመ ትማል ሰሉስ ሰዓት 5:15 ወጋሕታ እዩ በጺሕዎም።

ፖሊስ ንኣዝማድ እታ ግዳይ ንምርዳእ ይዳለዉ ምህላዎም ወሲኾም ሓቢሮም ኣለዉ።