ኣብ ኖርወይ ኣስታት 400 ዩክሬናውያን ስደተኛታት ስራሕ ረኺቦም–ብመሰረት ሓድሽ ኣሃዛት NAV። ካብ ኣዋርሕ መጋቢት ክሳብ ግንቦት 400 ስደተኛታት ዝርከብዎም 500 ዩክሬናውያን ናብ ዓለመ ስራሕ ከም እተጸንበሩ መደበር ዜና ኖርወይ ን NAV ብምውካስ ሓቢሩ’ሎ።
“እዚ ኣዝዩ መሳጢን ዘዕግብን እዩ፡ ስራሕ ሓደ ወሳኒ ኣገባብ ጥርናፈ ምዃኑ ንርዳእ ኢና” ክብል ዳይረክተር NAV ሃንስ ክርስትያን ሆልት ነታ መደበር ዜና ሓቢሩ’ሎ። እዞም ስራሕ ረኺቦም ዘለዉ ብፍላይ ዝለዓለ ናይ ትምህርቲ ደረጃ ዘለዎም እዮም፡ እዚ ይዂንምበር ንዂሎም ዝኸውን ዝበለጸ መጻኢ ከም ዝረኣዮ እቲ ዳይረክተር ወሲኹ ገሊጹ’ሎ። ኲሎም ስደተኛታት ዩክሬይን ናብ ስራሕ ከም ዝዋፈሩ ምግባር ግዜ ዝሓትት ምዃኑ እንተኾነ ግና እዞም ስደተኛታት እውን ደረጃ ትምህርቶም ክብ ከብሉ ከም ዝግባእ ኣብ ኦስሎ ኣብ ጒዳይ ስደተኛታት ከምኡውን ምውህሃድ መጽናዕቲ እተካይድ ቪልድ ሄርነስ ሓቢራ’ላ።
