ንፖሊስ ድሕሪ ምጥቀዖም፡ ሰለስተ ሰባት ኣብ ትሕቲ ቀይዲ ኣትዮም

ትማሊ ሰሉስ ምሸት፡ ኣብ ቦልሙራ (Bollmora)፡ ደቡባዊ ምብራቕ ስቶክሆሎም፡ ኣብ ልዕሊ ኣብ መስርሕ ሓለዋ ተዋፊራ ዝነበረት ጉጅለ ፖሊስ፡ ብብርክት ዝበሉ ሰባት መጥቃዕቲ ከምዝወረዳ ማዕከን ዜና ተተ ሓቢሩ።

ብዛዕባ ሓደ ሰብ ኣብ ንሓተሉ ዝነበርና እዋን፡ ብርክት ዝበሉ ሰባት፡ ኣብ ልዕሊ እታ ጉጅለ፡ ቁጠዐኦም ከርእዩን ከጥቅዕዋን ጀሚሮም ክብል ኣንድሽ ብሪንገልሶን ገሊጹ።

ሰለስተ ካብቶም ኣብ ልዕሊ ፖሊስ መጥቃዕቲ ዝፈጸሙ ሰባት፡ ኣብ ትሕቲ ቀይዲ ክኣትዉ እንከለዉ፡ ብ ብሉ ላይት ሳቦታጅ (blåljussabotage) ዝፍለጥ ስርሒት ፖሊስ ድማ ከምዝተበገሰ ተፈሊጡ። ብተወሳኺ ድማ፡ ኣብቲ ከባቢ ዝነበሩ ሰባት፡ ከምዝእለዩ ተገይሩ።

ኣብቲ ኣጋጣሚ፡ ዝኾነ ናይ ሰብ ጉድኣት ከምዘይነበረ፡ ፖሊስ፡ ሓቢሩ።