ንጒስ ሽወደን ካርል መበል 16 ብሰኑይ ኣብ ምኽፋት ጽንብል ምሽላም “ኒው ቢልደርስ” ኣብ ዘስምዖ መደረ”ሓደስቲ ሰብ ዋኒን ኣብ ምህናጽ ሽወደን ኣገደስቲ ተሳተፍቲ እዮም” ኢሉ። ኣብቲ ኣብ ማእከል ስቶክሆልም ዝተቓንዐ ስነስርዓት ምዕዳል ሽልማት ካብ ብዙሓት ዞባታት ዝመጹ ተሸለምቲን ወከልቲ ቊጠባዊ ጽላትን ትካላትን ተረኺቦም ኔሮም።
እዚ ሽልማት ብ IFS ከምኡ’ውን SEB ዝተዋደደ ዀይኑ ሰለስተ ክፍሊታት ኣለዉዎ። ሰብ ዋኒን፥ ኒው ቢልደርስ ከምኡ’ውን ያንግ ቢልደርስ። ጸኒሑ ኣስማት ዕዉታት ከም እተነግረን ኣብ ክፍሊ ሰብ ዋኒን ሱዛን ናጃፊ ካብ ኒው ቢልደርስ ኖኤል ዓብዱልዳኢም ከምኡ’ውን ካብ ያንግ ቢልደርስ ኣሕመድ ዓብደላ ተረቚሖም እዮም።
