ኒኪ ሚናዥን በዓልቤታን ተኸሲሶም

ኣብ 1994 በዓልቤት ደራፊት ራፕ: ኒኪ ሚናዥ: ዝኾነ ፔቲን: ኣብ ልዕሊኣ ጾታዊ ዓመጽ ከም ዝፈጸመ: ሓንቲ ሰበይቲ: ከሲሳ።

እዛ 43 ዝዕድሜኣ ሰበይቲ: ናይ ክሲ ፋይል ከይተእቱ: እቶም ሰብ ሓዳር ምፍርራህ ከም ዝገበሩላ ገሊጻ’ላ። ፔቲ: ኣብ ልዕሊ እታ ሽዑ ትሕቲ ዕድመ ዝነበረት ከሳሲት: ጾታዊ ርክብ ብምፍጻሙ ንኣርባዕተ ዓመታት ማእሰርቲ ተፈሪዱ ምንባሩ ዝፍለጥ ኮይኑ: ዝሓለፈ ዓመት ከም ፈጻሚ ጾታዊ ዓመጽ ብዘይምዝጋቡ ኣብ ትሕቲ ቀይዲ ኣትዩ ምንባሩ ተመልኪቱ።

ነዚ ኣብ US District Court ኒው ዮርክ ዝቐረበ ክሲ: ክብርዕን ብምባል ኒኪ ሚናዥን በዓልቤታን ንከሳሲት ክሳብ ፍርቂ ሚልዮን ዶላር ብምቕራብ: ክሳ ከተልዕል: ምፍርራህ ብዝመልኦ ሕቶ ከም ዘቕረቡላ ተኸሲሶም ኣለዉ።

ዝሓለፈ ዓመት: ፔቲ ምስ ተኣስረ: ኒኪ ሚናዥ ናብታ ከሳሲት ብምድዋል ደጋጊማ ከም ዘፈራርሃታ እቲ ክሲ ገሊጹ’ሎ።