ቱኒዝያ . . . ሚኒስተር ነበር፡ ብግብረሽበራ ይጥርጠር

ኣብ ትሕቲ ቀይዲ ዝርከብ ሚኒስተር ፍትሒ እታ ሃገር ነበር፡ ብግብረሽበራዊ ንጥፈታት ከም ዝጥርጠር ሚኒስተር ውሽጣዊ ጒዳያት ቱኒዝያ፡ ቶፊቕ ሸረፈዲን፡ ገሊጹ።

ኣባል ሰልፊ ኣ’ናህዳ ዝኾነ፡ ኑረዲን ብሂሪ፡ ኣብዚ ቀዳመ ሰንበት እዩ ኣብ ትሕቲ ቀይዲ ኣትዩ። ሚኒስተር ቶፊቕ፡ ትማሊ ሰኑይ ኣብ ዝሃቦ ሓበሬታ፡ ሰብ መዚ መንግስቲ፡ ግብረመልሲ ንኽወስዱ ዝድርኹ ናይ ሽበራ ስራሓት ይካየዱ ምህላዎም ጸብጻብ ከም ዝበጽሖ እዩ ዝገልጽ።

ፕረዚደንት፡ ቓይስ ስዒድ፡ ንቀዳማይ ሚኒስተር እታ ሃገር ካብ ስራሕ ሰጒጉ ን ባይቶ እታ ሃገር ድሕሪ ምድስካሉ ምስ ሰልፊ ኣልናህዳ ኣብ ቀራና መንገዲ ምእታዉ ካብታ ሃገር ዝወጹ ጸብጻባት የመልክቱ።

ኣልብሄሪ፡ ሕዱር ሕማም ልቢ ስለ ዘለዎ ክሳብ ሕጂ በዓል ሞያ ጥዕና ክርእዮ ስለ ዘይተገብረን ኣብ ሕማቕ ኲነታት ጥዕና ወዲቑ ምህላዉ ኣባል ሰልፊን ኣክቲቪስትን ኣልናህዳ ገሊጹ’ሎ።

ብዘይካ’ዚ፡ ኣልብሄሪ፡ ብሕማም ልቢ ይሳቐ ምህላዉን ሓኪም ክርእዮ ከም ዘይተገብረን በዓልቲ ቤቱ ምስ AFP ኣብ ዝገበረቶ ርክብ ብምጥቃስ ቢቢሲ ወሲኹ ሓቢሩ’ሎ።