ተፈታውን ማራክን ግጥም ፕሪመርሊግ ብ ዓወት ኣፍሪቃውያን ተዛዚሙ!!

ልቢ ኩሉ ኣፍቓሪ ኩዕሶ እግሪ ስጋብ መዛዘሚ ዘንጠልጠለ ግጥም ፕርመር ሊግ ኢንግሊዝ ብዓወት ማንቸስተር ሲቲ ተዛዚሙ። ኣብ`ዚ ሎሚ ዝተዛዘመ ግጥም ፕሪመር ሊግ ተሸለምቲ ወርቂ ጫማ ኮይኖም 
ዝዛዘሙ ሰለስተ ኣፍሪቃውያን ማለት ኣቡሞያንግ ካብ ኣርሰናል፣ ሳነን ሳልሕን ድማ ካብ ሊቨርፑል ነፍሲ ወከፎም 22 ሸቶታት ብምምዝጋብ ኩርዓት ኣፍሪቃ ኮይኖም ደሚቖም።

ኣብ`ዚ ብ ዓብላልነት ሊቨርፑልን ማንቸስተር ሲቲ ክቕለስ ዝጸንሔ ውድድር ኣብ መዛዘሚ ውድድር ካብ ድሕሪት ተበጊሰ ን ብራይተን 4 ብ 1 ዝሰዓረትሉ ካልእ ኣፍሪቃዊ ኣልጀርያዊ ማህረዝ ኮኸብ ኮይኑ ብምምሳይ ንድምቀት ኣፍሪቃውያን ወሲኽሉ። ኣብ`ዚ መዛዘሚ ሊቨፑል ወላ እኻ ን ክለብ ዎልቭስ 2ብ0 እንተስዓረት 97 ነጥቢ ብምውህላል ብ ሓደ ነጥቢ ካብ ማንሲቲ ድሒራ ን ዋንጫ ፕሪመር ሊግ ብ ማዕዶ ክትሪእያ ተገዲዳ።

ኣብ`ዚ ሎሚ ዝተዛዘመ ውድድር ፕሪመር ሊግ ብሉጽ ተጻዋታይ ቫንዳይክ ካብ ሊቨርፑል፣ ብሉጽ ሓልዊ ልዳት ብራዚላዊ ኣሊሶም ካብ ሊቨርፑል ኮይኖም ክሽለሙ ከለዉ ካልእ ካብ 3ይ ሲጋብ 6ይ ደርጃ ግን ዝመጸ ለውጢ የለን።