ኣብ እዋን ቅልውላው ኮሮና፡ ብኣሽሓት ዝቑጸራ ደቂ ኣንስትዮ፡ ናይ ጡብ መንሽሮ መርመራ ንኽካይዳ ሒዘንኦ ኣብ ዝነበራ ቆጸራ ከምዘይተረኽባ ብምሕባር፡ ኣብ ዝቐልጠፈ እዋን መጺአን መርመርአን ከካይዳ፡ በዓል መዚ ጥዕና ሽወደን ጸዊዑ ክብል ሬድዮ ሽወደን ሓቢሩ።
መብዛሕትአን ኣብ ቆጸረአን ዘይተረኽባ ደቂ ኣንስትዮ፡ ብኮሮና ቫይረስ ንኸይልከፋ ስለ ዝፈረሃ እየን ክብል ኣብ ምምሕዳር ሃላንድ፡ ሓላፊ ክፍሊ ኤክስሬይ፡ ኢንገር ሃሊን፡ ገሊጹ።
ኣብ እዋን ቅልውላው ቫይረስ ኮሮና፡ ኣስታት ፍርቂ፡ ናይተን ቆጸራ ሒዘን ዝነበራ ደቂ ኣንስትዮ ከም ዘይተረኽባ ብምሕባር፡ መርመራ ምክያድ ክሳብ ክንደይ ኣገዳሲ ምዃኑ፡ ሃሊን፡ ደጊሙ ኣረጋጊጹ።
