ብሰንኪ ኣብ ፌስቡክ ዝጸሓፎ፡ ኣንጻር ጸለምቲ ዝቐነዐ ዓሌታዊ ጽሑፍ፡ ተሪር ተቓውሞን ነቐፌታን ክወርዶ ዝጸንሐ ኣባል ሰልፊ ስቬርያ ዲሞክራትስ ዝኾነ ኦልፍ ፕዩርክ፡ ካብ’ቲ ሰልፊ ንኽሰናበት ከምዝተገደደ ሬድዮ ሽወደን ሓቢሩ።
ፕዩርክ፡ ኣብ ፌስቡክ፡ “ ጓል መን ኮን ትኸውን እታ ኣብ ቀጻሊ ግዳይ እትኸውን ጸላም ቆልዓ” ዝብል ጽሑፍ ዘርጊሑ ምንባሩ ይዝከር።
እቲ ጽሑፍ፡ ካብ ብዙሓት ወገናትን ካብ ሓላፊ ሰልፊ SD ከባቢ ቨርምላንድ ዝኾነ ሮናር ፊልበር ከይተረፈ ተቓውሞ ከምዝረኸበ ይፍለጥ።
ብወጻእተኛታት ንዝፍጸም ዘሎ ገበናት ንኽነቅፍ ኢለ ዝጸሓፍኩዎ እዩ ኔሩ። ሕጂ ድማ፡ ነቲ ኣብ ልዕሊ መሳርሕተይ ዝኾኑ ኣባላት ሰልፊ SD ዝወርድ ዘሎ ጸቕጥን ነቐፌታን ንኽፎክስ ብምባል ካብ’ቲ ሰልፊ ይሰናበት ኣለኹ። ከም ብሕታዊ ኣባል፡ ሽማግለ ምምሕዳር ግሮምስ፡ ኮይነ ንኽሰርሕ ድማ ወሲነ ኣለኹ ክብል ፕዩርክ ዘረብኡ ዛዚሙ።
