ብምኽንያት ኣድማ ኣብረርቲ፡ መንገዲ ኣየር ስካንዲናቭያ ክሳብ ሕጂ ካብን ናብን ኖርወይ ዝግበሩ 155 በረራታት ከም እተሰረዙ ካብ መርበብ ሓበሬታ ኣቪኖር እተረኽቡ ኣሃዛት ኣመልኪቶም።
ብሰኑይ ሓምለ 5፡ ኣስታት 900 ፓይለታት መንገዲ ኣየር ስካንዲናቭያ ናብ ኣድማ ድሕሪ ምእታዎም፡ ኣስታት 1,004 በረራትት ተሰሪዞም ምህላዎም ዝፍለጥ እዩ።
ካብዞም ሎሚ ተሰሪዞም ዘለዉ 155 በረራታት፡ 86 ዘቤታዊ፡ 55 ናይ ሸንገን 14 ከኣ ኣህጒራዊ ምዃኖም እቶም ኣሃዛት ወሲኾም ኣመልኪቶም። እቲ ምቕርሐ ከምዚ ዝስዕብ እዩ ተባሂሉ’ሎ። ኦስሎ 67፡ ትሮምሶ 9፡ ትሮንድሃይም 9፡ በርገን 8፡ ዶዱ 7፡ ናርቪክ 4፡ ስታቫንገር 4፡ ኣለሱንድ 2፡ ባርዱፎስ 2፡ ኪርከንስ 2፡ ክርስትያንሳንድ 2፡ ሎንግየርብየን 2፡ ሃይ 1፡ ክሪስትያንሱድን 1፡ ሞልድ 1 እዮም።
