ካብ ምምሕዳር ከተማ ኑራ (Nora) ውጽእ ኢልካ ኣብ ይቶርፕ (Gyttorp) ዝተባህለ ከባቢ፡ ኣብ መንጎ ሓንቲ ዓባይ ናይ ጽዕነትን ክልተ ናእሽቱ መካይንን ዘጋጠመ ሓደጋ፡ ሽዱሽተ ሰባት፡ ናብ ሆስፒታል ከምዝተወስዱ፡ ፖሊስ እቲ ከባቢ፡ ኣብ መርበብ ሓበሬትኡ ኣቃሊሑ ክብል ማዕከን ዜና ተተ ሓቢሩ።
ብመሰረት ጸብጻባት ፖሊስ፡ እቶም ሰባት ብኸቢድ ተሃስዮም ምህላዎም ን na.se ሓቢሩ።
መራሕ ዓባይ መኪና፡ ብሰንኪ ዘይሓላፍነታዊ ኣመራርሓ መኪናን ኣብ ልዕሊ ሰባት ዘውረዶ ሃስያን፡ ኣብ ትሕቲ ቀይዲ ከምዘሎ ተፈሊጡ።
እቲ ሓደጋ ኣብ ከባቢ ሰዓት 9:00 ቅ.ቐ ኣብቲ ናይ ንኡስ ዞባ መበጻጽሒ መንገዲ ቁጽሪ 244 እዩ ኣጋጢሙ። ናብ ክልቲኡ ሸንኽ ዘሎ ምንቅስቓስ መካይን ደው ኢሉ ከምዘሎን፡ ንንውሕ ዝበለ እዋን ክቕጽል ምዃኑን፡ ፖሊስ፡ ሓቢሩ።
