ዝሓለፈ ሰሙን ካብ ማእከላይ ባሕሪ ዝድሓኑ ስደተኛታት ጽዒና ኣብ ላምፐዱሳ ኢጣልያ ዝኣተወት ካፒቴን ናይ ሓንቲ መርከብ ዝኾነት ጀርመናዊት ካሮላ ራኬት ነፃ ክትወጽእ ተወሲኑ።
ፖሊስ ኢጣሊያ ካሮላ ራኬት 40 ካብ ማእከላይ ባሕሪ ዝደሓኑ ስደተኛታት ብምጽዓን ንሕጊ ጸረ ፍልሰት ኢጣሊያ ብምጥሓስ ነታ መርከብ ኣብ ወደብ ብምዕሻጋ ፖሊስ ኢጣሊያ ዝሓለፈ ቀዳም ኣብ ናይ ገዛ ማእስርቲ ክትጸንሕ ምግባሩ ይዝከር።
ዳኛ ኣለሳንድራ ቬላ ግን ካፒቴን ራኬት “ህይወት ን ምድሓን ግቡኣ ስርሕ እያ ዓሚማ ብምባል’’ ኢጣሊያ ንህይወት ንዘድሕና መራኽብ ክትኽልክል ሕጋዊ ኣይኮነን ክብላ ውሳነ ሂበን ኣለዋ።
እቶም ስደተኛታት ንኽልተ ሰሙናት ኣብ ማያት ማእከላይ ባሕሪ ብዘይሓጋዚ ተቐርቂሮም ከምዝነበሩ ዝፍለጥ።
