ኣብ ቨስትሮስ እትርከብ ዩኒቨርስቲ ሜላዳለን (Mälardalen)፡ ድሕሪ ዝተኻየደ ጽምብል ናይ ተማሃሮ፡ ለበዳ ኮሮና ብምስፍሕፍሑ፡ ምምሕዳር’ቲ ዩኒቨርስቲ፡ ካብ ሎሚ ጀሚሩ ንውሱናት ተማሃሮ ናይ ርሕቀት ትምህርቲ ክህብ ምዃኑ ሓቢሩ።
ኣብ ዓውደ ቁጠባ ዝመሃሩ 31 ተማሃሮ፡ ብቫይረስ ከምተለኽፉ ድሕሪ ምርግጋጹ፡ ነቲ ዝተራእየ ለበዳ ንምቁጽጻር፡ ምምሕዳር’ቲ ዩኒቨርስቲ ምስ ኣሃዱ ምክልኻል ለበዳ ብምትሕብባር፡ ንኽልተ ሳምንታት ዝኣክል ነቶም ተማሃሮ ናይ ርሕቀት ትምህርቲ ክህብ ወሲኑ።
መብዛሕትኦም ብቫይረስ ዝተለኽፉ ተማሃሮ፡ ነበርቲ ቬስትሮስን ኢስኪልስቱና ምንባሩ ተፈሊጡ።
እቲ ዝተኻየደ ጽምብል ብምኽንያት ምጅማር ቀዳማይ ወቕቲ ዓመት ትምህርቲ ምንባሩ ይዝከር።
