Russian President Vladimir Putin, left, and U.S President Joe Biden (AP Photo/Alexander Zemlianichenko, Pool, File) XAZ914
እዚ ኣብ ሞንጎ ክልቲኦም ፕረዚደንትታት ዝግበር ዘሎ ናይ ቴሌፎን ዝርርብ ኣብ ውሽጢ ሓደ ወርሒ፡ ንካልኣይ ግዜ ምዃኑ እዩ።
ናይ መንግስቲ ኣሜሪካ ሃገራዊ ቤት ምኽሪ ጸጥታ (National Security Council) ወሃብ ቃል ከምዝሓበሮ፡ እቲ ዝርርብ “ብዛዕባ ንመጻኢ ክግበሩ ተተሊሞም ዘለው ዲፕሎማሲያዊ ዋዕላታት ወሲኹ ኣብ ዝተፋላለዩ ጉዳያት” ዘተኩር ከምዝኾነ ተፈሊጡ’ሎ።
ተወከልቲ ኣሜሪካን ሩስያን ብዛዕባ ኑክልየራዊ እገዳታትን ምስ ምስሕሓብ ዶባት ዩክረይንን ኣመልኪቶም ንጥሪ 10 ኣብ ጀነቫ ተራኺቦም ንኽዝትዩ መደብ ሒዞም ከምዘለው ተገሉጹ’ሎ።
ኣብ መወዳእታ ቀውዒ፡ መንግስቲ ሩስያ ወታሃደራዊ ሓይልታታ ናብ ጥቓ ዶብ ዩክረይን ድሕሪ ምጽጋዓ ስዒቡ፡ ኣብ ሞንጎ ሩስያን ምዕራባውያን ሃገራትን ተወሳኺ ምስሕሓባት ከምዝተፈጥሩ ዝዝከር እዩ።
