ቡልጋርያ .. . . ብሓደጋ ባርዕ ኣውቶቡስ፡ ዓሰርተታት ይሞቱ

ኣብ ምዕራብ ቡልጋርያ፡ ኣብ ልዕሊ ሓንቲ ኣውቶቡስ ብዘጋጠመ ባርዕ ሓዊ፡ ብውሕዱ 45 ሰባት ከም ዝሞቱ ተገሊጹ ክብል ማዕከን ዜና ተተ ሓቢሩ። እቲ ሓደጋ ኣብ ጥቓ ቦስነክ ዝረባህለት ገጠር ከም ዘጋጠመን፡ ካብዞም ግዳያት፡ ገሊኦም ህጻውንቲ ምዃኖም በዓልመዚ ሚኒስትሪ ውሽጢ ሃገር፡ ኒኮላይ ኒኮሎቭ፡ ን ኣገልግሎት ዜና BTA ሓቢሩ’ሎ።

እታ ኣውቶቡስ፡ ካብ ቱርኪ ናብ ሰሜን ማቆዶንያ እናተጓዕዘት እዩ እቲ ሓደጋ ባርዕ ኣጋጢሙ። እታ መኪና ናይ ሰሜን ማቆዶንያ መለለዪ ሰሌዳ ከም ዝነበራ ዝገለጸ እቲ ዜና እቲ ሓደጋ ዘጋጠመሉ ቦታ፡ ብቐጻሊ መርመራ ተዓሺጉ ምህላዉ ወሲኹ ሓቢሩ’ሎ። ቀዳማይ ሚኒስተር ሰሜን ማቆዶንያ፡ ዞራን ዜቭ፡ ብዛዕባ’ዚ ሓደጋ ንምዝርራብ፡ ምስ ቡልጋርያዊ መዘናኡ ክዘራረብ ምዃኑ ን BTV ገሊጹ’ሎ።