ቀ/ሚ ኡልፍ ክሪስተርሾን ምስ ዘለንስኪ ክራኸብ እዩ።

ቀ/ሚ ሽወደን ኡልፍ ክሪስተርሾን ምስ ፕረሲደንት ዩክሬይን ቮሎድሚር ዘለንክሲ ሎሚ ኣብ ሄልሲንኪ ፊንላንድ ክራኸብ እዩ።
ዘልለንስኪ ብዘይካ ን ክሪስተርሾን ምስ ካልኦት መራሕቲ ሃገራት ኖርዲክ እውን ከም ዝዝቲ ተፈሊጡ’ሎ። እዚ ናይ ሓደ መዓልቲ
ኣኼባ መራሕቲ ሃገራት ኖርዲክ ኣብ ቤት መራሒ ፊንላንድ ሳውሊ ኒኒስትሮ እዩ ክካየድ። ኣብዚ ኣኼባ ሩስያ ኣብ ልዕሊ ዩክሬይን
ዘካየደቶ ወራር ክዝትየሉ እዩ ተባሂሉ’ሎ። ሃገራት ኖርዲክ፥ ኣውሮጳዊ ሕብረትን ኔቶን ንወራር ሩስያ ብምዂናን ንዩክሬይን ደገፈን
ክህባ ምጽንሐን ዝፍለጥ እዩ። እዚ ሃንደበታዊ ኣኼባ መራሕቲ ኖርዲክ ገዚፍ ድሕነታዊ ስርሒት ዘጠቓልል እዩ ክትብል ሬድዮ
ሽወደን ሓቢራ’ላ።
ኣብዚ ኣኼባ ዘለንስኪ ምስ መራሕቲ ኖርወይ፥ ፊንላንድ፡ ሽወደን ኣይስላንድን ደንማርክን ክራኸብ እዩ።