ቀዳማይ ሚኒስተር ኢትዮጵያ ኣብይ ኣሕመድ ኣብ ዝመጽእ ሰመኑ ሽልማት ኖበል ንምቕባል ናብ ነርወይ ኣብ ዝመጽእሉ ግዜ ዝኾነ ቃለ መሕተት ከምዝይገብሩ ሓቢሮም። ቀዳማይ ሚንስተር ኣብይ ኣሕመድ ድሮ እቲ ሽልማት ዝወሃብሉ ዕለት ከተማ ኦስሎ ከምዝኣትውን እንትኾነ ንቢቢሲ፣ ኤን ኣር ኬ ከምእውን ኣልጀዚራ ሓዊስካ ምስ ዝኾነት ማእከናት ዜና ቃለ መሕተት ከምዝይገብር ዳሪክተር ሽማልት ነበል ንዮስታድ ኣብዝሃቦ ሓበሬታ ገሊጹ። ዝኾነ ተዓዋቲ እዚ ሽልማት ምስ ማእከናት ዜና ቃለ መሕተት ክገብር ካብ 1990 ጀሚሩ ልሙድ እካ ኮይኑ እንተጸንሐ እዚ ናይ ሕጂ ግን ፍልይ ዝበለ ሙዃኑ እዚ ዳሪክተር ብምርዳእ፣ ኣብ ግዜ ምዕዳል እቲ ስነስርዓት ግን ንዓለም ለኸ ምእከናት ዜና ክፉት ከምዝኽውን ብምውሳኽ ግገሊጹ።
ከምዝፍለጥ ቀዳማይ ሚኒስተር ኢትዮጵያ ኣብይ ኣሕመድ ብስንኪ ን ኣስታት 20 ዓመት ዝጸንሔ ግጭት ኢትዮ- ኤርትራ ብስላም ብምዕራፉ ተባሂሉ እዚ ሽልማት ከምዝተዋህቦ ኮይኑ፣ እንተኮነ ግን ውሽጣዊ ኩነታት ኢትዮጵያ ገና ብ ዓለታዊ ግጭታት ዝሕመስ ዘሎን ሰለማ ኢትዮ-ኤርትራ ድማ ኣብ ባይታ ገና ከምዘይተረጋግጸ እዩ ብብዝሓት ወገናት ዝሕበር
