ሽወደን ናብ ኔቶ ትጽንበርዶ ትኸውን? “እዚ ጒዳይ ዳግማይ ዘተ ክካየደሉ እዩ”

ወራር ሩስያ ኣብ ልዕሊ ዩክሬይንን ንሱ ኣብ ኣውሮጳ ኣስዒብዎ ዘሎ ጸጥታዊ ቅልውላውን ንሽወደን ኣባል ኔቶ ናይ ምዃን ውጥና ዳግማይ ናብ ዘተ ከተቕርቦ ክድርኽ ከም ዝኽእል ዋና ኣካያዲ ምርምር ትካል ኣህጒራዊ ጒድያት ሽወደን ያን ሃለንበርግ ዘለዎ እምነት ገሊጹ።

ሽወደን ናብ ኔቶ ክትጽንበር እንድሕሪ ኮይና እዚ ውሳነ ምስ ፊንላንድ ብምውህሃድ ክውሰድ ከም ዝኽእል ሃለንበርግ ወሲኹ ኣመልኪቱ።

ፑቲን ንሽወደንን ፊንላንድን ክወረን እየ እናበለ የፈራርህ ኣሎ ዝብል ኣብ ቀረባ እዋን ዝወጸ መግለጺ ኣምባሳደር ኣመሪካ ኣብ ውድብ ሕቡራት ሃገራት ቊጥዐ ዝቕስቅስ እዩ ኢሉሎ—ሃለንበርግ።