ስዑዲ ዓረብ፡ ንስድራ ቤት ግዳያት ኮሮና፡ ካሕሳ ክትህብ ወሲና

ስዑዲ ዓረብ፡ ንስድራቤት ግዳያት ኮሮና ካሕሳ ትህብ ምህላዋ መንግስታውያን ማዕከናት ዜና እታ ሃገር ሓቢረን ክብል ተተ ገሊጹ።

ብነዳዲ ዘይቲ ዝበልጸገት ሃገረ ስዑዲ ዓረብ፡ ንነፍሲ ወከፍ ስድራቤት ግዳያት ኮሮና፡ ክሳብ 500 ሽሕ ርያል ስዑዲ (1.1 ሚልዮን ክሮነር) ካሕሳ ክትህብ ምዃናን እዚ ካሕሳ ካብ መጋቢት 2020 ኣትሒዙ ኣብ ስራሕ እናሃለዉ ብመልከፍቲ እዚ ቫይረስ ንዝሞቱ ሰራሕተኛታት ክንክን ጥዕና ከም ዘጠቓልልን ተገሊጹ።

እዞም ግዳያት ኮቪድ ዝኾኑ ኣባላት ክንክን ጥዕና፡ ኣብ ቅድሚት ተሰሊፎም፡ ህይወት ዜጋታትና ኣብ ምድሓን እናተሰርሑ እዮም ተሰዊኦም” ክትብል መንግስታዊ ማዕከን ዜና SPA ገሊጻ።

ዝበዝሑ ሰራሕተኛታት ክንክን ጥዕና ስዑዲ ዓረብ፡ ወጻእተኛታት ምዃኖም ዝፍለጥ ኮይኑ፡ ቊጽሪ ናይዞም ኣብ ካሕሳ ዝኣተዉ ሰራሕተኛታት ግን ክንደይ ምዃኖም ኣይተገልጸን።

ስዑዲ ዓረብ ልዕሊ ፍርቂ ሚልዮን ሰባት ብ ለበዳ ኮሮና ከም እተኽፉን 8300 ድማ ምሟቶምን ዕላዊ ኣሃዛዊ ጸብጻባት ስታቲስክስ እታ ሃገር ይሕብሩ።