ሰልፊ ሞደራተር ኣብዚ ቕንያት ኣብ ከተማ ቨስትሮስ ኣብ ዘካይዶ ምዱብ ዓመታዊ ጉባኤ፣ ንጉዳይ ገበናት፣ ምርመራ ኣብቲ ሃይማኖታዊ ዝሰረቶም ኣከዳድና ኣብ ኣብያተ ትምህርቲ ዝኽልክል ሕጊ ክግበር፣ ጉዳይ ሕቶ ዑቕባን ዉህደትን፣ ዝኣመሳሰሉ ሕቶታት ምስ ካልኦት ተመሳሳሊ ሕቶታት ብምልዓል ምስ ዝንቀሳቐሱ ዘሎዉ ሰልፍታት ተሓባቢሩ ክሰርሕ ከምዝወሰነ ኣፍሊጡ።
ብጉዳይ ሓተቲ ዑቕባ፣ ዝኾነ ሰብ ኣብ ሽወደን መንበሪ ፍቓድ ተዋሂብዎ፣ ካብ ሽዱሽተ ወርሒ ንላዕሊ ብማእሰርቲ ዘቕጽዕ ገበን ወይ ዉን ተደጋጋሚ ጥሕሰት ሕጊ ምስዘካይድ፣ ፍቓዱ ተሳሒቡ ካብ ሃገር ክስጎግ ዝብል ርእይቶ እቲ ሰልፊ፣ እቲ ጉባኤ ተቐቢሉ ብምጽዳቕ፣ ነቲ ሰልፊ ኣብ ፖለቲካዊ ምንቅስቓሱ ክሰርሓሉ፣ መዝነት ሂብዎ ከምዘሎ ጸብጻብ ቴሊቭዥን ሽወደን የመልክት።
ብዘይካ እዚ ሰልፊ ሞደራት ምስቲ ኣኽራሪ ርእይቶ ኣንጻር ወጻእተኛታት ዘሎዎ ሰልፊ ሽወደን ደሞክራሲ ክዛተን ሓቢሩ ክሰርሕን ከምዝወሰነ ይንገር።
