Photo via AP) XAZ102
ሩስያ: ዛጊት 500 ዝኾኑ ዜጋታት ቤላሩስ: ኪርጊስታን: ታጂኪስታን: ኡዝበኪስታን: ዩክሬንን ሩስያን ካብታ ብጣሊባን ተታሒዛ ዘላ ኣፍጋኒስታን ኣውጺኣ ምህላዋ ተሓቢሩ።
ሚኒስተር ምክልኻል ሩስያ: ንቪላድሚር ፑቲን ብምውካል: እዩ ነዚ ምግዓዝ ሰባት ዝፍጽም ዘሎ ክብል: ኢንተርፋክስ ኒውዝ ኤጀንሲ: ኣመልኪቱ።
እዚ ምግዕዓዝ ሰባት: ብዓበይቲ ነፈርቲ ውግእ ዝፍጸም ኮይኑ: ኣብ ውሽጡ ድማ ማይ ዝብላዕን ኮቦርታን ከም ዝርከብ ተፈሊጡ።
ካብ ኣፍጋኒስታን ክወጹ ንዝደልዩ ዜጋታት ሩስያ: ፍሉይ ናይ በረራ ፕሮግራም ክዳሎ እዩ ክትብል ኣፈኛ ሚኒስተሪ ጒዳያት ወጻኢ ሩስያ: ማርያ ዛካሮቫ: ኣብ ዝሓለፈ ሰሙን ምግላጻ ዝዝከር እዩ። እዚ ይዂንምበር: ኣባላት ዲፕሎማሲ ሩስያ: ኣብ ኣፍጋኒስታን ክተርፉ ምዃኖምን ሰፊሕ ምግዓዝ ዜጋታት ሩስያ ከም ዘይህሉን ዛካሮቫ ወሲኻ ኣብሪሃ’ላ።
ዘይከም ምዕራባውያን ሃገራት: ሩስያን ቻይናን ኣብ ካቡል ዝርከቡ ኤምባሲታተን ከም ዘይዓጸዋኦ ዝፍለጥ እዩ።
