እዋን ዕረፍትን ግዜ ሓጋይን ኣብ ምዉድኡን፡ ብፍላይ ከኣ ምስ ምጅማር ኣብያተ ትምህርቲ፡ ኣብ ኩለን መስመራት መጓዓዝያ እዚ ሃገር ጽቕጥቅጥን ምጭንናቕን ክፍጠር እዩ ዝብል ስግኣት ናይ ብዙሓት ምዃኑ ጸብጻባት ኣረጋጊጾም።
መዓልታዊ፡ ብዓሰርተታት ኣሽሓት ተጓዓዝቲ ከምዘመላልስ ዝንገረሉ ምድሪ ባቡር ስቶክሆልም ሓዊስካ፡ መብዛሕትአን ትካላት መጓዓዝያ ሽወደን ሰዓታት ሰለዳ መጓዓዝያ ካብቲ ናይ ሓጋይ ናብ ናይ ቀዉዕን ክረምትን መደባት፡ ትማሊ ከምዝቐየራ፡ ኣብ ብዙሓት መስመራት ከኣ ተወሰኽቲ ባቡራትን ኣዉቶቡሳትን ኣዋፊረን ከምዘለዋ ክፍለጥ ተኻኢሉ ኣሎ።
በዚ ኣጋጣሚ፡ ኣልኮምፒስ ትግርኛ፡ ንነፍሲ ወከፍ ሰብ ኣብ ጉዕዞታቱ ጥንቃቐ ክገብርን ርሕቀቱ ክሕሉን ንዘኻኽር።
