ተቐማጦ ምምሕዳር ስቶክሆሎም ዝኾኑ ኣብ 1976 ን ቅድሚኡን ዝተወልዱ፡ ካብ ሎሚ ዓርቢ ዕለት 21/05/2021 ጀሚሮም፡ ክታበት ኮቪድ-19 ንክኽተቡ፡ ብመንገዲ እቲ ልሙድ ኤሌክትሮኒካዊ መርበብ ወይ ድማ ብቴሌፎን፡ ቆጸራ ክሕዙ ከምዝኽእሉ ቤት ጽሕፈት’ ቲ ምምሕዳር ሎሚ ኣብ ዘካየዶ ጋዜጣዊ ዋዕላ ሓቢሩ ክብል ማዕከን ዜና ተተ ኣቃሊሑ።
ራባዓይ መድረኽ ክታበት፡ ኣብ ምምሕዳር ስቶክሆሎም፡ ብዕለት 04 ግንቦት ከምዝጀመረ ዝዝከር ኮይኑ ክሳብ ሕጂ 65% ናይቶም ኣብ ክሊ ዕድመ 55 ክሳብ 59 ዓመት ዘለዉን 40% ናይቶም ኣብ ክሊ ዕድመ 50 ክሳብ 54 ዓመት ዘለዉ ተቐማጦ’ታ ምምሕዳር፡ ቀዳማይ እብረ ክታበት ተኸቲቦም ከምዘለዉ እቲ ቤት ጽሕፈት ሓቢሩ።
ብዝሒ ናይቶም ቆጸራ ክታበት ክሕዙ ዝደልዩ ሰባት እናበዝሐ ይመጽእ ምህላዉ፡ ንምስፍሕፋሕ ኮሮና ኣብ ምቁጽጻርን ካብ ለበዳ ንኽንናገፍን ዘሎ ድሉውነት ዘርኢ እዩ ክብል ኣወሃሃዲ ክታበት’ቲ ምምሕዳር፡ ማግኑስ ቲበሪ፡ ገሊጹ።
