ሚኒስተር ጉዳያት ወጻኢ ላቲቭያ ኣብ ኔቶ ሽወደን ይጽበ፡ ምኽንያት ውን ኣይንርእን ኢና ዘለና ኢሉ።

ሚኒስተር ጉዳያት ወጻኢን ቀዳማይ ሚኒስተር ላቲቭያ ነበርን ክሪሽያኒስ ካሪንሽ ሎሚ ኣብ ስቶክሆልም ዑደት ብምግባር ምስ ሽወደናዊ መዘንኡ ቶብያስ ቢልስትሮም ተራኺቡ። ንሱ ሃንጋሪን ቱርኪን ኣባልነት ሽወደን ኣብ ኔቶ ንምጽዳቕ ድሌት ነግ-ፈረግ ይብላ ምህላወን፡ እንተኾነ ግና እዚ ጒዳይ “ካብ ቀጥታዊ ጽልዋ መንግስቲ ሽወደን ወጻኢ ብዝካየዱ መስርሓት ዝምራሕ ብምዃኑ” መንግስቲ ካብዚ ንላዕሊ ብዙሕ ክገብር ከምዘይክእል ንሬድዮ ሽወደን ገሊጹ፡፡ እዚ ይዂንምበር ሚኒስተር ጒዳይት ወጻኢ ሽወደን ቶብያስ ቢልስትሮም ሽወደን ኣብ ቀረባ እዋን ምናልባት ኣብ ውሽጢ ሰምንታት ናብቲ ኪዳን ምክልኻል ክትጽንበር ትኸውን እያ ዝብል ተስፋ ከም ዘለዎ እዩ ዝገልጽ።