ሓይልታት ሓለዋ ሰውራ ኢራን ሎሚ ለይቲ (13 መጋቢት 2022) “እስትራቴጂካዊ ማእከል እስራኤል” ናብ ዝበሉዎ ኣብ ዒራቓዊት ኩርዳዊት ከተማ ኢርቢል ናይ ሚሳይል መጥቃዕቲ ኣካይዶም።
ኣብ ጥቓ ቆንስል ኣመሪካ ዝዓለበ 12 ሚሳይላት ኣብ ልዕሊ ዝተፈላለየ ህንጻታት ጉድኣት ከምዘውረደን ሓደ ሲቪል ከም ዝተወግአን ዞባዊ መንግስቲ ኩርዲስታን ሓቢሩ።
መንግስቲ ኣመሪካ በቲ ናይ ፈራሓት ዝበሎ ኣብ ስቪላዊ ቦታታት ኢርቢል ዝወደቐ መጥቃዕቲ ሚሳይል፡ ዝኾነ ኣመሪካዊ ከምዘይተጎድአን መሳለጥያታቱ እውን ዝዀነ ዕንወት ከምዘይወረዶን ሓቢሩ።
መንግስቲ እስራኤል ኮነ ወተሃደራዊ ሓይሊ እታ ሃገር ብዛዕባ’ቲ ኢራን ዝበለቶ ርእይቶ ክህብ ኣይደለየን ።
