መራሒ ሰልፊ ሞደራት ክሪስተርሰን ኣብ ዘተ ወፍሪ ኣንጻር ገበን ብዘይ ምስታፎም ን ሰልፊ ዲሞክርትስ ሽወደን ወቒሱ። ሓላፊ ዓቃባዊ ሰልፊ ኡልፍ ክሪስተርሰን ምክልኻል ገበን ዛዕባ ጌሩ መንግስቲ ኣብ ዝጸውዖ ዘተ የማናይ ሰልፊ ዲሞክራትስ ብዘይምስታፎም ወቒሱ። እዚ ዘተ ብዙሓት ዜጋታት ብምኽንያት ጎነጽ ገበናውያን ጒጅለታት ኣብ ብዙሓት ከተማታት ሽወደን ድሕሪ ምሟቶም እዩ ተጸዊዑ።
ሰንበት ድሕሪ ቀትሪ ሚኒስተር ውሽጣዊ ጒዳያት ሽወደን ሚካኤል ዳምፔሪ ብዘይካ ሰልፊ ዴሞክራሲ ኲሎም ኣባላት ባይቶኣዊ ሰልፊታት ኣብዚ ዘተ ክሳተፉ ምዕዳሙ ተፈሊጡ’ሎ። ክሪስተርሰን ኣብ ናይ ፌስቡክ ገጹ”ዴሞክራስያዊ ሰልፊ እውን ክዕደም ኔርዎ” ክብል ኣስፊሩ’ሎ። “ዴሞክራስያዊ ሰልፊ ዝኣክል ልዕሊ 17 ሚእታዊት ደገፍቲ ዘለዉዎ ሰልፊ ዘይምዕዳሙ ፍጹም ጌጋ እዩ” ድማ ኢሉ። ጒጅለታት ገበን ብኸመይ ይመከቱ ኣብ ዝብል ሕቶ ክሪስተርሰን ንሉፈን ዓሰርተ እማመታት ዓቃባዊ ሰልፊ ምእታዉ’ውን ተፈሊጡ’ሎ።
