ሕሉፋት የማናውያንን እስላማውያንን ን ሽወደን ዝዓበየ ስግኣት ግብረሽበራ እዮም ተባሂሉ።

ጎነጻዊ የማናዊ ጥሩፍነት ከምኡ’ውን ጎነጻዊ እስላማዊነትን ቀንዲ ስግኣታት ግብረሽበራ ሽወደን ምዃኖም ሃገራዊ ማእከል ምግምጋም ስግኣታት ግብረሽበራ ኣብ ዘውጽኦ ዓመታዊ ትንተና ኣቃሊዑ። እቲ ቤት-ጽሕፈት ንስግኣታት ግብረሽበራ ኣመልኪቱ ኣብ ዘውጽኦ መመልከቲኡ ነቲ መዐቀኒ ልዕል ኣቢሉ ካብ ሓሙሽተ ሰለስተ ነጥቢ ከም ዝሃቦ ተፈሊጡ’ሎ። እዚ ገምጋም ምስቶም ካብ 2016 ጀሚሮም ዝተኻየዱ መጽናዕቲታት ከም ዝመሳሰል እውን ተመልኪቱ። ካብ 2016 ኣትሒዙ እዚ ማእከል ሽወደን ኣብ ዝለዓለ ስግኣት ግብረሽበራ ምህላዋ ከጠንቅቕ ምጽንሑ ዝፍለጥ እዩ።