ሓድሽ ክታበት ኮሮና ናብ ሰባት ድሕሪ ምፍታኑ ኣወንታዊ ውጽኢት ተረኺብዎ ተባሂሉ

ኩባንያ ሞደርና፡ ኣብ ልዕሊ 45 ሰባት ዝገበሮ ናይ ኮቪድ-19 ናይ ክታበት ፈተነ ጹቡቕ ውጽኢት ከምዝተረኽቦ SVT ሓቢሩ።

እዛ ኣሜሪካዊት ኩባንያ፡ እታ ንመጀምርያ እዋን ፍርያት ክታበት ኣብ ልዕሊ ሰባት ዝፈተነት ምንባረ ይዝከር።

እዚ ናይ ክታበት ፈተና ኣብ ልዕሊ ዝተፈላለዩ ዕድመ ዘለዎም ሰባት (18 – 55 ዓመት) ብዝተፈላልዩ ዓቐናት ከምዝተፈተነ ይፍለጥ።

ኣብ መጀመርያ ፈተነ፡ እቶም ሰባት ኣብ ውሽጢ 28 መዓልታት ክልተ ግዜ ክታበት ከምዝወሰዱን ከምውጽኢቱ ድማ ልዕሊ እቶም ብሕማም ኮቪድ-19 ተጠቒዖም ዝነበሩን ጸረ ነፍሳት ዘጥረዩን ሰባት ዝያደኦም ጸረ ነፍሳት ክም ዘጥረዩ ተፈሊጡ።

እቶም ፈተና ዝተኻየደሎም ሰባት ዝኾነ ዓይነት ኣሉታዊ ጽልዋ ናይ ክታበት ከምዘየጋነፎምን እንተኾነ ግን ልዕሊ ፍርቂ ቁጽሪ እቶም ሰባት ፎከስቲ ናይ ድኻም፡ ቃንዛ ርእስን ቁሪቁሪ ዝኣመሰሉ ምልክታት ከምዘጋጠሞም ተፈሊጡ ኣሎ።

እዚ ተረኺቡ ዘሎ ኣወንታዊ ውጽኢት፡ ኣብ መጀመርያ መድራኻቱ ስለ ዘሎ፡ ክሳብ ኣብ ናይ ምውዛዕ ደረጃ ዝበጽሕ ተወሳኺ መርመራታት ክካየድሉ ምኻኑ ተሓቢሩ።